SEMMA’ LEĦNEK
AĠIXXI ISSA!

Fis-17 ta’ Diċembru 2025 il-Parlament Ewropew għadda riżoluzzjoni biex jitlob lill-Kummissjoni Ewropea tistabilixxi mekkaniżmu finanzjarju imħallas mill-UE biex jitħallsu proċeduri ta’ vjaġġar u abort għal dawk fil-pajjiżi Membri tal-UE biex jivvjaġġaw f’pajjiżi oħra tal-UE b’liġijiet dwar l-abort iktar liberali minn tagħhom.

Dan ġej minn Inizjattiva ta' Ċittadini Ewropej imsejħa "Il-Vuci Tiegħi, Il-Għażla Tiegħi" appoġġjata mill-IPPF. Huma ġabru firmi fl-Ewropa matul is-snin 2024-2025.

Din ir-Riżoluzzjoni tal-Parlament Ewropew hija eċċess ta' poter sinifikanti mill-UE, peress li mhix fil-kompetenzi tal-UE li tinvolvi ruħha fil-kwistjoni tal-abort. L-abort huwa kompetenza nazzjonali, li taqa' mhux biss taħt il-qasam tas-saħħa pubblika, iżda wkoll f'xi pajjiżi taħt il-liġi kriminali. Din ir-Riżoluzzjoni tiddgħajjef il-prinċipju tas-sussidjarjetà fl-UE.

Kieku din issir liġi, il-liġijiet dwar l-abort l-iktar liberali fl-UE fil-fatt isiru l-liġi dwar l-abort fuq livell tal-UE, irrispettivament mill-pajjiż li tkun fih, u jġibu magħhom it-turiżmu tal-abort imħallas mill-UE. F'xi Stati Membri l-abort jista' jkun permess sa 24 ġimgħa u saħansitra sa waqt it-twelid f' ċerti ċirkostanzi. Skont din il-proposta, ikun aċċessibbli għaċ-ċittadini kollha tal-UE.

L-abort huwa kwistjoni nazzjonali, mhux deċiżjoni tal-UE, ejja nżommuh hekk!

Aġixxi issa billi titlob lill-Kummissarji Ewropej biex iwaqqfuh dan.

Jekk jogħġbok ikklikkja hawn taħt biex tibgħat posta elettronika lill-Kummissarji Ewropej. Il-messaġġ tiegħek jasal għand Glenn Micallef, Kummissarju tal-UE minn Malta, u kopja ser tintbagħat lill-Kummissarji Ewropej għas-Saħħa. Ugwaljanza, u Drittijiet Soċjali, kif ukoll lill-President tal-Kummissjoni Ewropea.

Suġġett: Ippromwovu t-Trattati, Libertà għalI-Istati Membri!

Ismek *

Kunjomok *

Numru tal-karta tal-identità

Indirizz elettroniku *

LIL:

Glenn Micallef, Kummissarju Ewropew minn Malta

CC:

Il-President tal-Kummissjoni Ewropea,
Kummissarju Ewropew għas-Saħħa,
Kummissarju Ewropew għall-Ugwaljanza,
Kummissarju Ewropew għad-Drittijiet Soċjali.

Għażiż Kummissarju Micallef,

Qed niktiblek bħala ċittadin Malti mħasseb dwar ir-Riżoluzzjoni tal-Parlament Ewropew li ġiet adottata f’Diċembru 2025  biex tappoġġja proposti marbutin mal-Inizjattiva taċ-Ċittadini Ewropej “My Voice,MY Choice”, inkluż il-possibbiltà li jiġu stabbiliti mekkaniżmi finanzjarji mħallsa mill-UE biex jiffaċiltaw l-aċċess għal servizzi tal-abort bejn il-fruntieri.

Skont it-Trattati tal-UE viġenti, il-politika tal-abort b’mod ċar ma taqax taħt il-kompetenza leġiżlattiva tal-Unjoni Ewropea. Skont l-Artikli 4(2) (k) u 168 tat-Trattat dwar il-Funzjonament tal-Unjoni Ewropea, is-saħħa pubblika tibqa’ primarjament responsabbiltà nazzjonali, b’limiti espliċiti dwar l-involviment tal-UE għall-organizzazzjoni u l-għoti tas-servizzi tal-kura tas-saħħa. It-Trattati jeskludu b’mod espliċitu l-armonizzazzjoni tal-liġijiet nazzjonali f’dan il-qasam.

Mill-perspettiva kostituzzjonali u demokratika, ir-regolament dwar l-abort huwa marbut ħafna mal-identità kostituzzjonali nazzjonali, tradizzjonijiet etiċi u awto-determinazzjoni demokratika. Għal din ir-raġuni, L-Istati Membri jżommu l-awtorità sħiħa biex jiddeterminaw l-istatus legali tal-abort, il-kundizzjonijiet li għalihom jista’ jiġi permess u l-firxa tal-finanzjament pubbliku. Din l-allokazzjoni ta’ poteri tirrifletti l-prinċipju tas-sussidjarità taħt Artiklu 5 tat-Trattat dwar l-Unjoni Ewropea, li huwa partikolarment importanti f’oqsma moralment sensittivi fejn ma jeżistix konsensus Ewropej.

Filwaqt li L-Inizjattiva “My Voice,My Choice” issoddisfat ir-rekwiżit formali biex tiġi kkunsidrata bħala Inizjattiva Taċ-Ċittadini Ewropej, huwa importanti li wieħed jiftakar illi IĊE ma toħloqx kompetenzi ġodda għall-UE, ma torbotx lill-Kummissjoni biex tipproponi leġiżlazzjoni, imma sempliċimet titlob lill-Kummissjoni teżamina l-inizjattiva u tipprovdi tweġiba raġunata. L-eżistenza ta’ Inizjattivi taċ-Ċittadini oħra, bħal “One of Us,” li kif jidher ġabret numru ikbar ta’ firem verifikati, turi li ċertament ma hemmx konsensus qalb iċ-ċittadini Ewropej dwar din il-kwistjoni.

Ir-Riżoluzzjoni tal-Parlament Ewropew adottata f’Diċembru 2025 hija dikjarazzjoni politika u m’għandhiex forza legali vinkolanti. Madankollu, meta wieħed jittrasforma l-aċċess għall-abort bħala dritt ewlieni fil-livell tal-UE, jew jipproponi mekkaniżmi mħallsa mill-UE biex jiffaċilitaw l-abort bejn il-fruntieri, ikun qed jirriskja li jċajpar il-konfini tal-kompetenza tal-UE u b’mod indirett idgħajjef l-effettività tal-liġijiet nazzjonali adottati permezz ta’ proċessi demokratiċi. Approċċ bħal dan ikun qed jirriskja wkoll li jikkomprometti n-newtralità istituzzjonali tal-UE fuq kwistjonijiet ta’ nuqqas ta’ qbil morali profond.

Għalhekk b’rispett qed inħeġġeg lill-Kummissjoni Ewropea biex tirrispetta t-Trattati, tirrispetta l-prinċipju tas-sussidjarità, u tieqaf milli tressaq kwalunkwe proposta li tkun qed testendi l-involviment tal-UE f’oqsma ta’ kura tas-saħħa, abort, u etika medika li jibqgħu responsabbiltà tal-Istati Membri.

Dejjem tiegħek,

Iva! Żomm ruħek aġġornat ma’ Le għal turiżmu bi skop ta’ Abort.eu permezz ta’ email, inkluż aġġornamenti dwar din il-kampanja u kampanji oħra (rakkomandat)

Le. Ma rridx nibqa’ aġġornat ma’ Le għal turiżmu bi skop ta’ Abort

Billi tikklikkja ibgħat, inti qed taqbel li nistgħu nipproċessaw l-informazzjoni tiegħek skont it-termini msemmija hawn fuq. L-ittra tiegħek se tgħaddi għand il-Kummissarji Ewropej. NoAbortionTourism.eu u One of Us se jużaw l-informazzjoni li ser tipprovdi fuq din il-formola biex jibqgħu f’kuntatt miegħek u jipprovdulek aġġornamenti. Inti tista’ tbiddel fehmtek f’kull ħin billi tikklikkja l-link ikkanċella l-abbonament fil-footer ta’ kwalunkwe posta elettronika li tirċevi mingħandna, jew billi tikkuntattjana contact@NoAbortionTourism.eu. Aħna ser nittrattaw l-informazzjoni tiegħek b’rispett. Għal iktar informazzjoni dwar il-politika ta’ privatezza tagħna, jekk jogħġbok ara l-Politika ta’ Privatezza tagħna.

Glenn Micallef

Kummissarju Ewropew minn Malta

SEMMA’ LEĦNEKAĠIXXI ISSA!

SEMMA’ LEĦNEK
AĠIXXI ISSA!